«Հրադադարի պահպանման ռեժիմն ադրբեջանական կողմն է խախտել». ՀՀ ՊՆ մամուլի խոսնակ

ՀՀ պաշտպանության նախարարության մամուլի խոսնակ Շուշան Ստեփանյանը MAMUL.am-ի թղթակցի հետ զրույցում ասաց, որ ադրբեջանական մամուլի տարածած այն տեղեկատվությունը, թե հայկական կողմը կրակ է բացել ադրբեջանական բնակավայրերի ուղղությամբ, իրականությանը չի համապատասխանում:

«Իջևանի հատվածում, ժամը 12.00-ին և 12.30-ին նրանց կողմից է խախտվել հրադադարի պահպանման ռեժիմը: Թիրախավորել էին մեր մարտական դիրքերը: Մեր պատասխան կրակով հակառակորդը լռեցվել է»,- ասաց մամուլի խոսնակը: Նրա վկայությամբ՝ սահմանին վիճակը հարաբերական կայուն է: