«Կորոնավիրուսն ընդամենը մահանա է, սա քաղաքակրթական հզոր փլուզում է». Վարդ Սիմոնյան

Լրագրող Վարդ Սիմոնյանը ֆեյսբուքյան իր էջում գրել է. «Փաստն այն է, որ անգամ երկրի հոգևոր առաջնորդի սոցպատասխանատվության վրա հույս դնել չի կարելի։ Կորոնավիրուսն ընդամենը մահանա է, սա քաղաքակրթական հզոր փլուզում է, որի փլատակների տակ կարող են մնալ ամբողջական պետություններ և հզոր կոորպորացիաներ։ Սպառողական արժեհամակարգը վիրուսի պես տարածած միջազգային օլիգարխիան պատերազմ է հայտարարել տեխնոլոգիական նոր աշխարհին, քաղաքակրթական նոր դարաշրջանին․․. Մեզ պես փոքրաթիվ երկրները պետք է հանդես բերեն բարձր դիմադրողականություն, մենք պետք է բանակի պես կանգնենք՝ ապացուցելով, որ արժանի ենք տեղ ունենալ քաղաքակրթական նոր քարտեզի վրա։ ՀՀ կառավարությունը պարտավոր է ժամ առաջ
հայտարարել արտակարգ իրավիճակ, իսկ Էջմիածինը՝ կարմիր գոտի․ տնտեսական խոշոր փլուզումներ թույլ չտալու համար ՀՀ կառավարությունը պարտավոր է հանդես գալ պարենային անվտանգության պաշարների և ֆինանսական ակտիվների մասին պաշտոնական հստակ տեղեկատվությամբ։ Հայ ժողովուրդը դիմակայուն է, մնում է ճիշտ կազմակերպվել․ ՊԻՆԴ ՄՆԱՆՔ․․․»: