ՈՒՇԱԴՐՈՒԹՅՈՒՆ․ ադրբեջանական ֆեյքը կեղծ լուրեր է տարածում Արցախում կորոնովիրուսի առկայության մասին

2008

Երկուշաբթի, 16 մարտի, 2020 թ., 18:40

Արցախի Հանրապետության նախագահի խորհրդական Տիգրան Աբրահամյանը ֆեյսբուքյան իր էջում գրել է. «Հայկական անուն-ազգանունով պռոֆիլ կա՝ Valeri Avetisyan, ամենայն հավանականությամբ՝ կոտրված էջ է, որը կառավարվում է Ադրբեջանից: Այս պռոֆիլը հատկապես վերջին օրերին «վերաորակավորվել է» և կեղծ լուրեր է տարածում Հայաստանում և Արցախում կորոնովիրուսի իրավիճակի մասին:

Մինչ այդ կենտրոնացած էր զինվորականների, զինված ուժերի հետ ասոցացվող մարդկանց դեմ ակնհայտ կեղծ լուրերի տարածմամբ: Ընդ որում, սրան կարելի է հանդիպել մեծ թվով հայաստանյան, արցախյան, սփյուռքի խմբերում, որտեղ քիչ չեն նմանատիպ կոտրված պռոֆիլները:

Պատկան մարմինների ուշադրությանն եմ ներկայացնում այս ու նմանատիպ էջերը, որոնք այս պահին էլ խուճապ, ակնհայտ սուտ, կեղծիք պարունակող նյութեր են տարածում»: