«Առաջնագծի մեր զինվորները մեր բժիշկներն են, նրանք իրավունք ունեն ստանալու դրամական փոխհատուցում». Նաիրա Զոհրաբյանի առաջարկը

«Առանձնացրեք 1-2 սպեցիֆիկ անատոմիկումներ, պատանատոմներին հագեցրեք անհրաժեշտ հագուստով և իրականացրեք դիահերձում». նման առաջարկ է ստացել ԲՀԿ-ական պատգամավոր Նաիրա Զոհրաբյանը՝ մասնագետների հետ զրույցներից հետո: Այդ մասին մարտի 30-ի ԱԺ արտահերթ նիստում հայտնեց ինքը՝ պատգամավորը և մի առաջարկ էլ արեց: ««Բնակչության բժշկական օգնության և սպասարկման մասին» օրենքում լրացում անել և սահմանել, որ բուժաշխատողներն արտակարգ իրավիճակներում բժշկական օգնություն և սպասարկում իրականացնելիս, իրենց կյանքին կամ առողջությանը վնաս պատճառվելու դեպքում իրավունք ունեն ստանալու դրամական փոխհատուցում՝ լիազոր պետական մարմնի սահմանված կարգով:
Այսօր առաջնագծի մեր զինվորները մեր բժիշկներն են և պետք է ունենան սոցիալական պաշտպանվածության նույն երաշխիքները, ինչ որ հայրենիքին ծառայություններ մատուցած այն զինվորները, ովքեր հաշմանդամ են դառնում են կամ զոհվում են հայրենիքին մատուցած ծառայությունների համար»: