Հինգշաբթի, 28 մարտի, 2024 թ.
|
Ստեփանակերտում`   +12 °C

«Բավական է մի սուպերմարկետի գանձապահ հիվանդ լինի՝ խայտառակ թվով մարդկանց կարող է վարակել». Իզաբելլա Աբգարյան

«Բավական է մի սուպերմարկետի գանձապահ հիվանդ լինի՝ խայտառակ թվով մարդկանց կարող է վարակել». Իզաբելլա Աբգարյան
357
Հինգշաբթի, 02 ապրիլի, 2020 թ., 11:45

Երևանի ավագանու «Իմ քայլը» խմբակցության անդամ Իզաբելլա Աբգարյանը ֆեյսբուքյան իր էջում գրել է. «Մենք հիմա «վայելում ենք» նախորդ՝ պակաս խիստ կարանտինի ժամանակ մեր բնակչության դրսում գտնվելու պտուղները: Այսօրվա թիվը պիտի որ զգաստացնի:

Կհասկանա՞նք, որ եթե չենք ուզում օրեցօր ավելի ու ավելի մեծ թվեր, պիտի պարզապես խիստ պահպանենք միմյանց հետ շփումների բացառումը:

Միևնույն ժամանակ մենք ունենք քաղաքացիներ, որոնք աշխատում են՝ ապահովելով մեր ինքնամեկուսացման կոմֆորտն ու ռիսկի են ենթարկում իրենց:

Քանի օր է մտածում եմ, որ առնվազն առևտրի ու սպասարկման ոլորտում աշխատողներին պետք է թեստավորել և ապահովել որակյալ պաշտպանիչ միջոցներով:

Բավական է մի սուպերմարկետի գանձապահ հիվանդ լինի ու թեթև տանի, խայտառակ թվով մարդկանց կարող է վարակել:

Տանը նստելու միջոցառումներն էլ պետք է ոչ թե Ֆեյսբուքում անել, այլ Հ1-ով, որը նայում են տարեցները, իսկ ամենակարևորը՝ փողոցում:

Տպավորություն է, որ թղթի կտոր ունենալը բավարար է շատերի համար, որ հանգիստ դուրս գան...»: