Թուրքիայում 20 տարեկանից փոքր անձանց արգելված է տանից դուրս գալ․ #Anadolu

1254

Շաբաթ, 04 ապրիլի, 2020 թ., 10:35

Թուրքայի իշխանությունները խստացրել են կորոնավիրուսի տարածման դեմ պայքարի միջոցառումները: Նախագահ Ռեջեփ Թայիփ Էրդողանը հայտարարել է նոր սահմանափակումների մասին, հայտնում է Anadolu-ն:

Թուրքիայի 30 խոշոր քաղաքներում և Զոնգուլդակ նահանգում հասարակական տրանսպորտի շարժը կդադարեցվի 15 օրով, անհրաժեշտության դեպքում այդ ժամկետը կարող է երկարաձգվել, ասել է Էրդողանը: Բացի այդ, այժմ Թուրքիայում արգելվում է տանից դուրս գալ 20 տարեկանից փոքր անձանց, իսկ հասարակական վայրեր այցելելիս քաղաքացիները պետք է կրեն բժշկական դիմակներ:

Էրդողանը շեշտել է, որ հիվանդության դեմ պայքարում և սարքավորումների հագեցվածությամբ՝ Թուրքիան առաջ է անցել զարգացած շատ երկրներից: Մասնավորապես, երկրում արտադրվում են անհրաժեշտ քանակությամբ բժշկական դիմակներ, թեստավորման համակարգեր։