Ովքե՞ր են Արցախի ցույցի «հովանավորները». «Փաստ»

«Փաստ»-ը գրում է․ «Ինչպես հայտնի է, մարտի 31-ին Արցախում տեղի ունեցան խորհրդարանական և նախագահական ընտրություններ։ Առավել շատ ձայներ ստացած երկու թեկնածուները՝ Արայիկ Հարությունյանը և Մասիս Մայիլ յանը, անցել են երկրորդ փուլ. նշենք, որ Հարությունյանը խորհրդարանում «Արցախի ժողովրդավարական կուսակցության» և «Հայ հեղափոխական դաշնակցության» հետ միասին ունի մեծամասնություն։

Արցախում ներկայումս բավականին բուռն հետընտրական զարգացումներ են տեղի ունենում, իսկ խորհրդարանական ընտրությունների ժամանակ 1 տոկոսից մի քիչ ավելի հավաքած «Արցախի հեղափոխական կուսակցությունը» Ստեփանակերտի փողոցներում օրերս փորձեց բողոքի ակցիա անցկացնել՝ արհեստականորեն իրավիճակը լարելով (նշենք, որ ակցիան այդքան էլ մարդաշատ չէր)։ «Փաստ» թերթի արցախյան աղբյուրի փոխանցմամբ, այդ բողոքի ակցիան իրականացվում էր հայաստանյան իշխանության սորոսական թևի հրահրմամբ, ինչն այդքան էլ Նիկոլ Փաշինյանի սրտով չէ:

Թերթի տեղեկություններով, ստեղծված իրավիճակում Նիկոլ Փաշինյանը փորձում է ամեն կերպ սանձել իրադարձությունների զարգացումները, որպեսզի իրավիճակն էսկալացիայի չհասնի։ Սա պայմանավորված է նաև նրանով, որ Փաշինյանն ընդունում է Արցախում տեղի ունեցած ընտրությունների արդյունքները, և դրա մասին նա քանիցս հայտարարել է, իսկ Արայիկ Հարությունյանի գրանցած արդյունքները նրան լիարժեք բավարարում են»,-գրում է թերթը։

Մանրամասները՝ թերթի համարում։