«Դեռևս պիկին չհասած` սահմանափակումները հանելն անթույլատրելի է»․ Հայկ Մարտիրոսյան

Քաղաքագետ Հայկ Մարտիրոսյանը ֆեյսբուքյան իր էջում գրել է. «Դեռևս պիկին անգամ չհասած՝ սահմանափակումները հանելը՝ ուղղակի անթույլատրելի է:

Հատկապես բացօթյա շինարարությունը, տնտեսական խանութների, գիտական հետազոտությունների ոլորտի, տեքստիլ արտադրության բացումն ուղղակի հանցավորության է նման:

Զարգացած երկրներում ոչ մի տեղ երկու կարծիք չկա այն մասին, որ մինչև առնվազն հունիս-օգոստոս այս ոլորտները բացելն ուղղակի անթույլատրելի է:

Հայաստանի կառավարությունը գնում է սրան, որովհետև չի կարողանում ժողովրդի սոցիալական անվտանգությունն ապահովել: Որովհետև վախենում է սոցիալական պայթյունից:

Իսկ ապահովել՝ այս կառավարությունը կարող է, բայց ի զորու չէ: Անընդունակ է:

Եվ դրա գինը լինելու են կյանքեր: Միջազգային բոլոր լուրջ մասնագետներն ասում են, որ պիկից դեռևս այսքան հեռու որևէ ոչ առաջնային անհրաժեշտության ոլորտ բացելը որևէ երկրում՝ անպայմանորեն կյանքեր է արժենալու»։