«Այո՛, տասնյակ, հարյուրավոր, ինչու ոչ՝ հազարավոր». Աննա Կոստանյան

ԱԺ «Լուսավոր Հայաստան» խմբակցության պատգամավոր Աննա Կոստանյանը ֆեյսբուքյան իր էջում գրել է. «Ի պատասխան բոլոր այն անձանց, ովքեր պնդում են, թե ուռճացնում ենք քաղաքացիների խնդիրները կամ դիմումների ու զանգերի քանակը։ Տեղադրում եմ որոշ նամակների բովանդակություն՝ քաղաքացիների համաձայնությամբ։ Ու այսպես, այո՛, տասնյակ, հարյուրավոր, ինչու ոչ՝ հազարավոր։
Մի քիչ անընդունելի եմ համարում, երբ թերահավատորեն կամ ծիծաղելով են վերաբերվում այս հարցերին։ Ոչ մեկս քաղաքացիների խնդիրներով նամակների վրա քաղաքական դիվիդենտներ չենք քաղում, սա համընդհանուր խնդիր է, որը պետք է միահամուռ ուժերով լուծենք և հաղթահարենք։ Բայց նաև բարձրացվող հարցերին և քննադատություններին պետք է մի փոքր էլ այլ դիտակետից նայեք, հարգելի՛ պատասխանատու մարմիններ և անձինք: Դրանից կշահի ոչ միայն քաղաքացին, այլև՝ գործադիրը»: