«Նիկոլ ջան, Հայաստանում միայն դու ու Սերժը չեք». Ս. Սուրենյանց

Քաղաքագետ Սուրեն Սուրենյանցը ֆեյսբուքյան իր էջում գրել է. «Նիկոլ ջան, Հայաստանում միայն դու ու Սերժը չեք․ ժողովուրդը կարող է ուրշին ընտրել:

Նիկոլ Փաշինյանի այսօրվա պատասխանից այնպիսի տպավորություն ստացվեց, որ ժողովուրդը հեղափոխություն է արել, որպեսզի ինքը բարձրացնի պետական համակարգի աշխատողների աշխատավարձերը։ Սիրուն չի ԱԺ ամբիոնից թատերականացված ներկայացում բեմականացնել, որպեսզի արդարացվի, թե ինչու են «բեզդելնիկ» շատ նախարարներ ամսական մեկ միլիոն դրամ հավելավճար ստանում։ Ժողովուրդը չի ընդվզում այն բանի դեմ, որ պետական համակարգի միջին ու ստորին օղակների չնչին աշխատավարձերը պետք է բարձրացվեն, հասարակությունն ընդդիմանում է, երբ փորձ է արվում նոր՝ «հեղափոխական էլիտա» ձևավորել պետական բյուջեի, հարկատուների հաշվին։ Պանդեմիայի պահին չի կարելի ԱԺ ամբիոնից զբաղվել սեփական աշխատավարձերի բարձրացման լոբբինգով։
Բացի այդ, Փաշինայանը զուր է ամեն առիթով ժողովրդին վախեցնում Սերժի ուրվականով։ Նիկոլ ջան, Հայաստանում միայն դու ու Սերժը չեք․ ժողովուրդը կարող է ուրշին ընտրել։ Քո ողբերգությունը հենց դրանում է, որ գործ անելու փոխարեն՝ ժողովրդին վախեցնում ես Սերժի ու Ռոբի ուրվականներով»: