800 հեկտար, թե՞՝ 400. Սերժ Սարգսյանի բացատրությունը

«Նիստի ընթացքում Սերժ Սարգսյանն էլ ընդունեց, որ Յուրի Խաչատուրովի՝ քննիչ հանձնաժողովի նիստին չգալը սխալ է եղել: Ասաց, որ այստեղ գալուց առաջ ինքը խոսել է Խաչատուրովի հետ և հորդորել է, որ ճիշտ կլիներ, որ գար»,- քննիչ հանձնաժողովի նիստի ավարտից հետո լրագրողների հետ զրույցում ասաց հանձնաժողովի նախագահ Անդրանիկ Քոչարյանը:

Անդրադառանալով 2016-ի ապրիլին տարածքային կորուստներին՝ լրագրողները հետաքրքրվեցին, թե այդ թեմայի վերաբերյալ հարցեր հնչե՞լ են նիստի ժամանակ: Հիշեցնենք, որ դեռևս 2016-ին ՍԵրժ Սարգսյանը հայտնել էր, որ տարածքային կորուստները 800 հետկար են: Սակայն այս տարվա ապրիլին «5-րդ ալիք»-ի պատրաստած վավերագրական ֆիլում Սարգսյանը հայտնել էր, որ տարածքային կորուստները 400 հա են եղել:

Այս առնչությամբ Անդրանիկ Քոչարյանն ասաց. «Պարոն Սարգսյանն ասաց, որ դա ընդամենը ֆիլմ էր: Դա նշանակում է, որ այն ընդամենը ֆիլմ է, իսկ որպեսզի այն դառնա վավերագրական, ֆիլմը նկարահանողը առնվազն պետք է տիրապետի այն ինֆորմացիային, որը գտնվում է մեզ մոտ: Ֆիլմում հնչեցրած բազմաթիվ փաստեր մենք փորձել ենք ճշտել պարոն Սարգսյանից, և նա պատասխանել է, որ դա ֆիլմի ռեժիսորի կողմից իրացված ֆիլմ է, և իրենք այնտեղ հարցազրույցներ են տվել: Ոչ թե 800-ի կամ 400-ի մեջ ա, այլ մենք ավելի լուրջ հարցեր ենք տվել պարոն Սարգսյանին»: