Անդրանիկ Քոչարյանի անդրադարձը՝ իր որդու՝ բանակ չգնալու հարցին

ԱԺ-ում լրագրողների հետ ճեպազրույցում ԱԺ «Իմ քայլը» խմբակցության պատգամավոր Անդրանիկ Քոչարյանն անդրադարձել է հարցին, թե իր որդին ասպիրանտուրան ավարտելուց հետո 2 անգամ բաց է թողել զորակոչը. կա՞ որևէ հիմնավորում։

«Այդ հիմնավորումները դուք կարող եք գտնել ՊՆ-ում, իմ որդին ասպիրանտուրան ավարտելուց հետո հիմա թեզ է պաշտպանել, եթե այդ թեզը չհաստատեն, բնականաբար, գնալու է ծառայության և մի քանի զորակոչ կա, որպեսզի իր 27 տարին լրանա...: Իմ մի տղան հիմա Արցախում ծառայում է, ընդ որում, ինքն ավելի մեծ ուշադրության կենտրոնում է, քան՝ ցանկացած մեր զորակոչիկ, որ ծառայության մեջ է...: Ես խորհուրդ եմ տալիս երեխաներին հանգիստ թողեք, իմ հետ խնդիր ունեք, խնդիրը դրեք իմ առաջ, եթե իմ որդին, որևէ օրենք է խախտել, չկասկածեք, ինքը կպատժվի, բայց ինքը օրենք չի խախտել, ինքն ինքնուրույն ընտանիք ձևավորած անձնավորություն է, շատ հրաշալի կրթություն ստացած և շատ հրաշալի պաշտպանած։ Մնացածը՝ տարկետում ունեցել է, թե՝ ոչ, դա Պաշտպանության նախարարությունից կարող եք ճշտել, եթե անձնական տվյալների հետ խնդիր չունեք»,- ասել է Քոչարյանը: