Մեծ Բրիտանիայում 1 օրում #COVID_19 կորոնավիրուսից մահացել է 861 մարդ

Նախօրեին Մեծ Բրիտանիայում գրանցվել է մահվան 861 դեպք, հայտնում է Sky News-ը՝ հղում անելով երկրի առողջապահության նախարարությանը: Հայտնաբերվել է համավարակի 18 հազար 665 նոր դեպք:

Ընդհանուր առմամբ՝ Մեծ Բրիտանիայում համաճարակի բռնկումից ի վեր ախտորոշվել է 103 093 դեպք, մահացել է 13 729 մարդ: Միևնույն ժամանակ, Sky News-ը պնդում է, որ «կա հաստատված տեսակետ», համաձայն որի՝ իրականում կորոնավիրուսից մահացությունը Մեծ Բրիտանիայում շատ ավելի մեծ է, քան հիվանդանոցներից ստացված տեղեկատվությունն է: Հեռուստաալիքը նշում է, որ Ազգային վիճակագրական ծառայության վերջին տվյալների համաձայն, մարտին Անգլիայում և Ուելսում 75%-ով ավելի շատ մահեր են գրանցվել, քան ներկայացվել է կառավարության զեկույցում: