«Ինչո՞ւ պետք է պաշտոնյան, ոչինչ չանելով, աստղաբաշխական պարգևավճարներ ստանա». Նորայր Նորիկյան

«Առաջին լրատվական»-ի եթերում փաստաբան Նորայր Նորիկյանն անդրադարձել է, Նիկոլ Փաշինյանի՝ օրերս արած այն հայտարարությունը, թե ինքը կարող է ցանկացած պահի անել նոր հեղափոխություն, բերել «այն բարի ժամանակների պաշտոնյաներին, որոնք ցածր աշխատավարձ էին ստանում և լափում էին պետական համակարգը»:

«Այդ հայտարարությունն ինձ մոտ էլ է տարակուսանք առաջացրել: Հայաստանի Հանարապետության ժողովուրդն ուղղակի թույլ չի տալու նախկինների կամ նրանց սատելիտների վերադարձը որևէ ֆորմատով: Ինձ համար մտահոգիչ է, որ գործող քաղաքական իշխանության ղեկավար Նիկոլ Փաշինյանն իր իշխանության այլընտրանքը տեսնում է Սերժ Սարգսյանին կամ Գագիկ Խաչատրյանին: Սա նշանակում է, որ հեղափոխությունը ոչ միայն չի հաղթանակել, այլ սա կլինի հեղափոխության պարտությունը, ժողովրդի պարտությունը, եթե հանկարծ իշխանության այլընտրանքը դառնան նախկին իշխանությունները: Կարծում եմ, որ նաև այսպիսի մտածելակերպն է խանգարում քաղաքական քարտեզի նորոգմանն ու նոր քաղաքական համակարգի ձևավորմանը: Վստահ եմ՝ ճիշտ ժամանակին ի հայտ կգան քաղաքական ուժեր և անձինք, որոնք որևէ աղերս չունեն նախկին քաղաքական ռեժիմի հետ, և կդառնանա այլընտրանք գործող իշխանությանը...: Հանրությունը չմարսեց պարգևավճարների տեղատարափը: Ինչո՞ւ պետք է պետական պաշտոնյան, ոչինչ չանելով, աստղաբաշխական պարգևավճարներ ստանա, սոցիալական արդարության բաղադրիչը չի կարելի «բռնաբարել»»,- ասել է նա:

Մանրամասները՝ սկզբնաղբյուրում: