«Չի լինում վերից վար հավատարիմներով համալրված Հանրային, լինում ա խնդիրները կանխատեսող և զբաղվող աշխատակազմ»․ Հ․ Բադալյան

Քաղաքական մեկնաբան Հակոբ Բադալյանը ֆեյսբուքյան իր էջում գրել է. «Իսկ եթե ավելի լուրջ, ապա կարծում եմ՝ խնդրի պատճառը պետք է փնտրել վարչապետի աշխատակազմի այն շրջանակում, որը պատասխանատու է և զբաղվել է, կամ գուցե ավելի ճիշտ պատշաճ չի զբաղվել ուղերձի աշխատանքով: Սաբոտաժ և այլն աղաղակի փոխարեն մի պարզ բան պետք է արձանագրել՝ չի լինում վերից վար հավատարիմներով համալրված Հանրային, լինում է խնդիրները կանխատեսող և զբաղվող աշխատակազմ, կամ չի լինում: Օրինակ, կարծում եք՝ նախկինում էսպիսի բան չէր լինի, որովհետև հավատարիմ էին Սերժ Սարգսյանին, կամ նրանից առաջ Քոչարյանին: Ոչ, պարզապես նրանք ունեին էդ հարցերում բծախնդիր աշխատակազմ, որը ռիսկերը չեզոքացնում էր կանխավ, այլ հարց է, իհարկե, եթե կանխամտածված թույլ է տրվել միջավայր, ավելի վաղ գրածս ստատուսի բումերանգի էֆեկտի ակնկալիքով: Գուցե երկուսը մեկում, իրարից անկախ»։