«Վախենում են նշել, որ այդ օգնության հիմքում ԱՄՆ նախագահ Վուդրո Վիլսոնի որոշումներն են». Արա Պապյան

«Մոդուս Վիվենդի» հետազոտական կենտրոնի ղեկավար, դիվանագետ Արա Պապյանը ֆեյսբուքյան իր էջում գրել է. «Աշխարհի ամենամեծ որբանոցը, ուր իրենց խնամքն էին ստանում 25 հազար հայ որբեր։ Ալեքսանդրապոլ, Հայաստան։ Սա ամենամեծն էր, բայց միակը չէր։

Թվում է՝ Սովետը վաղուց չկա։ Բայց մարդիկ վախենում են նշել, որ դրանք ամերիկյան որբանոցներ են եղել։ Այսինքն՝ գործել են ամերիկյան պետության՝ այն է ամերիկացի հարկատուի փողերով։ Վախենում են նշել, որ այդ օգնության հիմքում ԱՄՆ նախագահ Վուդրո Վիլսոնի մի շարք որոշումներն են։ Ամերիկյան որբանոցները Սովետական Հայաստանում գործել են մինչև 1928-29թթ., իսկ որոշները՝ մինչև 1931թ.։ Դրանք փակվել են սովետական իշխանության որոշմամբ»։