Տիգրան Ուրիխանյանը 3 անգամ թեստավորվել է․ «Հրապարակ»

443

Երեքշաբթի, 21 ապրիլի, 2020 թ., 08:55

«Հրապարակ»-ը գրում է․ «Ապրիլի 25-ին պատգամավորները կորոնավիրուսի թեստեր են հանձնելու։ ԱԺ-ում խուճապ էր՝ լուր էր տարածվել, որ վարակման դեպք է գրանցվել, սակայն ԱԺ նախագահի խորհրդական Վահան Կոստանյանը հերքեց այդ լուրը՝ պրոֆիլակտիկ թեստավորում է։ Տեղեկություն էինք ստացել նաև, որ ԲՀԿ-ից պոկված պատգամավոր Տիգրան Ուրիխանյանի մոտ է կորոնավիրուս հայտնաբերվել։ Նա ասաց․ «Ես հենց հիմա թոքաբորբ եմ տանում, մոտ 2 շաբաթ առաջ թեստավորվել եմ, հետո երկրորդ անգամ եմ թեստավորվել, օրերս էլ՝ երրորդ։ Թեստերի պատասխանները, մեղմ ասած, չեն համապատասխանում այն ախտանիշներին, որոնք արձանագրել են բժիշկները»։ Թեստերն, ըստ պատգամավորի, բացասական են»։