«Տոնը գնաց, մնաց քաղաքացին՝ իր խնդիրների հետ». Վահան Բաբայան

Ռեֆորմիստների կուսակցության ղեկավար Վահան Բաբայանը ֆեյսբուքյան իր էջում գրել է. «Եվ, ի վերջո, չմոռանանք, որ այսօր իբր քաղաքացու օրն էր, այն քաղաքացու, ով հիմա չգիտի՝ կոմունալը մուծի, թե վարկը, թե սնունդ գնի: Այն քաղաքացու, ով արդեն մոռացել է Մաշտոցի պողոտայի խորովածը և մնում է ոսպի փոխարինիչի հույսին: Այն քաղաքացու, ով այդպես էլ չատեց և իր գլխից չկարողացավ հանել աղքատությունը:

Այն քաղաքացու, ով կարդում է, թե ոնց են իր միջոցով իշխանության եկած չինովնիկները միլիոններով պարգևավճարներ ստանում:

Տոնը գնաց, մնաց քաղաքացին ինքն իր խնդիրների հետ: Կեղծ օրակարգը լինում է ճիշտ այսպես, այն երկար կյանք չի ունենում, քանի որ այն չունի իրական շունչ»: