#RT-ն անդրադարձել է Հայոց ցեղասպանությանը

898

Ուրբաթ, 24 ապրիլի, 2020 թ., 19:35

1915 թվականի ապրիլի 24-ին սկսվեց Կոստանդնուպոլսից հայ մտավորականների արտաքսումն ու ավարտվեց այդ մարդկանց զանգվածային սպանությամբ: Այդ իրադարձությունը 19-րդ դարի վերջի և 20-րդ դարի սկզբի Օսմանյան կայսրությունում հայ ժողովրդի նկատմամբ իրականացված զանգվածային ոչնչացման դրվագներից մեկն է, գրում է Russia Today-ը։

Ըստ պատմաբանների՝ էթնիկ զտումների ժամանակ սպանվել է մինչև 1,5 միլիոն հայ, հարյուր հազարավոր հայեր դարձել են փախստական:

«Մենք անկեղծորեն ցավակցում ենք հայ ժողովրդին, ով ունեցավ մարդկության պատմության ամենաողբերգական էջերից մեկը... 1915-ի իրադարձությունները ցնցեցին ողջ աշխարհը, իսկ Ռուսաստանում ընկալվեցին որպես անձնական ցավ... Մենք միշտ կարծել ենք, որ զանգվածային սպանությունը որևէ արդարացում չունի»,- 2015 թվականին Երևանում հայտարարել էր ՌԴ նախագահ Վլադիմիր Պուտինը: