«Մենք չենք կարող անընդհատ պահանջել միայն Ցեղասպանության ճանաչման համար». ցեղասպանագետ

277

Ուրբաթ, 24 ապրիլի, 2020 թ., 23:25

«Մենք պետք է հասկանանք, որ միայն Հայոց ցեղասպանության ճանաչումով չէ հարցը լուծվում. մենք չենք կարող անընդհատ պահանջել միայն ճանաչման համար: Դա ինչ-որ մի ժամանակահատատվածում շարժումն անիմաստ կդարձնի: Պետք է նոր պահանջներ, նոր թեզեր առաջ քաշել»,- «Ազատություն» ռադիոկայանի եթերում ասել է ցեղասպանագետ Սուրեն Մանուկյանը:

Նրա խոսքով՝ ցեղասպանության ճանաչումները միայն երկրորդական օժանդակ միջոցներն են՝ վերջնական նպատակին հասնելու համար. «Բայց մեզ մոտ այդ վերջնական նպատակը ձևակերպված չէ և այդ առումով, իսկապես, իշխանությունները պետք է մտածեն այդ մասին. ձևակերպվեն իրավական, գույքային պահանջներ և այլն»,- նշել է ցեղասպանագետը:

Անդրադառնալով Հայոց ցեղասպանության 100-րդ տարելիցին հրապարակված համահայկական հռչակագրին՝ Մանուկյանն ասել է. «Այդ փաստաթուղթը ճանապարհային քարտեզի նման մի բան էր՝ ուր մենք պետք է գնանք և ինչ քայլերով պետք է գնանք, կան հստակ կետեր, որոնցից մեկը պահանջատիրությունն է: 2015-ին կային քննարկումներ, որ պետք է պատրաստվի իրավական թղթապանակ: Այսօր մտածում էի այդ մասին, որ պետք է իմ ծանոթ իրավաբաններին հարցուփորձ անեմ հասկանամ՝ ստեղծվե՞ց այդ հանձնաժողովը, թե՝ ոչ, ի՞նչ աշխատանքներ են կատարվել, ի՞նչ փուլում ենք կանգ առել, կամ, միգուցե դեռ ընդհանրապես չի ստեղծվել: Պետք է հասկանանք հռչակագրի այդ դրույթներով առաջ շարժվո՞ւմ ենք, թե՝ ոչ»:

Մանրամասները՝ տեսանյութում:

«Մենք չենք կարող անընդհատ պահանջել միայն Ցեղասպանության ճանաչման համար». ցեղասպանագետ