«Մի տեսակ շատ ցավալի ձեռագիր է դարձել ոստիկանության համար». Սեդա Սաֆարյան

234

Շաբաթ, 25 ապրիլի, 2020 թ., 16:10

«Ծեծող որոշ մարդկանց ինքնությունը ոստիկանությունում պարզել են: Մեզ չասացին՝ ովքեր են, բայց ենթադրվում է, որ որևէ մեկին ոստիկանություն չեն բերել: Գիշերն ենք հաղորդում տվել, աղջիկս ցուցմունքներ է տվել: Ես հրատապության բացակայությունից եմ նեղվում: Մի տեսակ շատ ցավալի ձեռագիր է դարձել ոստիկանության համար: Ես խորը կուսումնասիրեմ, թե ովքեր են այդ մարդիկ՝ իրենց կենսագրականով, կապերով, որովհետև երբևէ չէի տեսել, որ տղաներն այն աստիճան կատաղած վարքագիծ դրսևորեն, որ կանանց գցեն գետնին ու ոտքերով սկսեն խփել»,- ԳԱԼԱ-ի հետ զրույցում ասել է փաստաբան Սեդա Սաֆարյանը՝ խոսելով ապրիլի 24-ին իր դստերը, փեսային, նրա ծնողներին ու քրոջը ծեծելու դեպքի մասին։