«Երկրորդ տարին է՝ հաշվում ենք Մանվելի տուշոնկաները». Սերգեյ Դանիելյան

«Պատկերացնո՞ւմ եք մի կուսակրոն քահանայի, ով ունի մի քանի ընտանիք, կամ հավատո՞ւմ եք այն սրտաբանին, ով ծխում է, կամ հարգո՞ւմ եք այն ոստիկանին, որը հարբած նստում է ղեկին: Հիմա մենք աշխարհից պահանջում ենք մեր իրավունքը՝ չունենալով ոչ մի իրավունք մեր երկրում: Արդեն 2-րդ տարին է՝ հաշվում ենք Մանվելի տուշոնկաները, 2-րդ տարին է՝ նստած է Քոչարյանը: Խախտվում են և նրանց իրավունքները, և իմը՝ ես սպասում եմ արդարադատության հաղթանակին: Վերջ ի վերջո, կարող է մարդը սուրբ է»,- իր հերթական տեսաուղերձում դիմելով քաղաքացիներին՝ ասում է դերասան Սերգեյ Դանիելյանը: Նա վստահեցնում է՝ մինչև մենք չբարելավենք մեր դատական համակարգը, աշխարհը մեզ նայելու է այնպես, ինչպես մենք նայում ենք շնացող քահանային: