«Անձրևներն ավելի լավ պայքարեցին վարակի տարածման դեմ, քան իշխանությունները». Կարեն Վրթանեսյան

Ռազմական հարցերով փորձագետ Կարեն Վրթանեսյանը ֆեյսբուքյան իր էջում գրել է. «Իսկ նոր կորոնավիրուսի «ակտիվ քեյսերի» (կամ, ինչպես Առողջապահության նախարությունում են ձևակերպում՝ «փաստացի բուժում ստացողների») թիվն ապրիլի 17-ից սկսած շարունակում է աճել։

Հիշեցնեմ, որ տեղաշարժերի խիստ սահմանափակումները մտցնելուց ուղիղ 10 օր հետո աճը դանդաղել էր, գրեթե դադարել։

Ապրիլի 7-ից սկսեցին փաստացի թուլացնել սահմանափակումները։ Ուղիղ 10 օրից աճը վերսկսվեց և շարունակվում է առ այսօր։

Արդեն ամսից ավելի է՝ տեղաշարժերի սահմանափակումներ են։

Եթե իշխանություններն չընկնեին իրենց վարկանիշների հետևից և 4-շաբաթանոց խիստ կարանտին անեին (զուգահեռ թեստավորելով և մարդկանց բացատրելով վտանգը և անվտանգության միջոցների անհրաժեշտությունը), ապա այսօրվանից արդեն կարող էին երկրի ներսում տնտեսությունը բացել։

Փոխարենը և՛ տնտեսությանը հարված հասցվեց, և՛ կորոնավիրուսի վարակը շարունակվում է տարածվել։ Ինչից հետևում է, որ սահմանափակումները ստիպված շարունակվելու են։

Այն էլ նշեմ, որ ամենայն հավանականությամբ, այս մեկ ամսում անձրևներն ավելի լավ պայքարեցին վարակի տարածման դեմ, քան ՀՀ իշխանությունները»։