Զբոսաշրջությունը վերականգնելու համար Եվրոմիությունը կծախսի 375 միլիարդ եվրո

Կորոնավիրուսի համավարակից հետո Եվրոմիությունը 375 միլիարդ եվրո կհատկացնի տուրիստական ոլորտը վերականգնելու համար, հայտնել է Եվրոպական զբոսաշրջային հանձնաժողովի (ETC) գործադիր տնօրեն Էդուարդո Սանտանդերը, գրում է պորտուգալական Lusa լրատվականը: «Ծովային տուրիզմից մինչև տուրօպերատորներ և ավիաընկերություններ, բոլորը կրում են հսկայական կորուստներ, որոնք օդային փոխադրողների համար կազմում են 45%, հյուրանոցների և ռեստորանների մասով՝ 70»,- լրագրողների հետ զրույցում հայտնել է Սանտանդերը։

Ըստ Սանտանդերի՝ կորոնավիրուսի համավարակի պատճառով ԵՄ-ում զբոսաշրջությունը կրճատվել է մոտ 10%-ով: Համաճարակի հետևանքով տուժել են նաև զբոսաշրջությանն առնչվող այլ ոլորտներ ևս:

Սանտանդերի գնահատմամբ՝ ամենից շատ կտուժեն Պորտուգալիայի, Իտալիայի, Իսպանիայի և Հունաստանի զբոսաշրջային ոլորտները: