Պետբյուջեի փոփոխությունների քննարկումը կշարունակվի վաղը

Խորհրդարանը ՀՀ պետական բյուջեում փոփոխություններ կատարելու նախագծի շուրջ քննարկումները կշարունակի ապրիլի 29-ի նիստում: Ըստ կանոնակարգի՝ հայտարարվել է 7 ժամյա ընդմիջում: Մինչ այդ պատգամավորները կքննարկեն օրակարագային ևս մի քանի, մասնավորապես Վարչական իրավախախտումների, աշխատանքային օրենսգրքերում և մի շարք օրենքներում փոփոխություններ և լրացումներ կատարելու հարցերը:

Բյուջեում վերաբաշխումներ կատարելու նախագծին դեմ լինելու մասին հայտարարեց ԼՀԿ խմբակցությունը: ԼՀԿ-ականները պնդեցին, որ իրենց իրավասություններից զրկելու փորձ է արվում:

Եզրափակիչ ելույթում Ֆինանսների նախարար Ատոմ Ջանջուղազյանը նշեց, որ որևէ մեկը մտադիր չէ ոտնձգություն կատարել ԱԺ իրավասությունների նկատմամբ: