«3-րդ համաշխարհային պատերազմն, ինչքան գիտեմ, չի եղել, կամ ես եմ երկար տարիներ քնած եղել»․ Պետրոսյանը՝ Զոլյանին

ԱԺ արտահերթ նիստում «Իմ քայլը» խմբակցության պատգամավոր Միքայել Զոլյանն առաջարկեց դադարեցնել միմյանց հանդեպ վիրավորանքներ հնչեցնելը և հիշել, որ իրենք խորհրդարանում են կոնկրետ նախագծեր քննարկելու համար:

Հետո հիշեցրեց, որ արտակարգ դրության պայմաններում են գործում, բերեց վիճակագրական տվյալ, ըստ որի՝ ԱՄՆ-ում կորոնավիրուսից ավելի շատ մարդ է մահացել, քան վիետնամական պատերազմի ժամանակ. «Սա շատ վերլուծաբաններ համեմատում են երրորդ համաշխարհային պատերազմի հետ»,- նշեց Մ. Զոլյանը: Նրա կոչին միացավ նաև ԲՀԿ-ական պատգամավոր Գևորգ Պետրոսյանը. «Մենակ այն պահը չհասկացա. 3-րդ համաշխարհային պատերազմն ինչքան գիտեմ՝ չի եղել, կամ էլ ես երկար տարիներ քնած եմ եղել, 3-րդ համաշխարհային պատերազմը եղել է, տեղյակ չեմ»,- ասաց Գ. Պետրոսյանը: