Արսեն Բաբայանը դիմում է ներկայացրել դատախազություն՝ ընդդեմ Հրաչյա Հակոբյանի

Իրավապաշտպան Արսեն Բաբայանը մայիսի 1-ին փորձեց ՀՀ գլխավոր դատախազություն դիմում ներկայացնել, սակայն դատախազության դռները փակ էին։ Դիմումն առնչվում էր ԱԺ պատգամավոր, վարչապետ Նիկոլ Փաշինյանի աներորդի Հրաչյա Հակոբյանին: Բաբայանը նշեց, որ դա իր համար սպասելի էր, և մինչև շենք գալը պաշտոնական էլփոստով դիմումն արդեն ուղարկել է:
Նա նշեց, թե Հրաչյա Հակոբյանը, լինելով իշխանության ներկայացուցիչ, պատգամավոր, անում է անհեթեթ, զրպարտչական հայտարարություն, և հայտարարությունը ձևակերպում է այնպես, որ, իր կարծիքով՝ հնարավոր չլինի իրեն պատասխանատվության ենթարկել դրա համար:
«Այն հայտարարությունը, հարցերի շարքը, որ նա ներկայացրել էր ֆեյսբուքյան իր էջում, գրվել է այլ տեղ, իմ համոզմամբ՝ վարչապետի կողմից: Եվ ընդհանրապես, վերջերս, բոլոր տեքստերը, որ կապ ունեն Արթուր Վանեցյանի հետ, գրվում են վարչապետի կողմից: Ցանկացած մարդ, որ ծանոթ է վարչապետի տեսքտերին, այդ թվում՝ «Հայկական ժամանակի», կարող է ձեռագիրը նկատել»։

Նա դատախազութունից պահանջում է իրավական գնահատական, արված հայտարարությունների ճշտում: