«Հիվանդության դեպքերի աճի դեպքում պարետատանը որոշումը վերանայելու առաջարկ կներկայացվի». փոխնախարար

Առողջապահության նախարարությունը դեռ չունի հաշվարկներ, թե մի քանի տետեսական սահմանափակումներ հանելուց հետո կորոնավիրուսի դեպքերի ինչպիսի պատկեր կունենանք: Ըստ առողջապահության նախարարի տեղակալ Լենա Նանուշյանի՝ քանի որ հիվանդության վերաբերյալ չբացահայտված կողմեր կան, այդ ուղղությամբ ողջ գիտական հանրույթն է աշխատում, ուստի նախարարությունն անընդհատ մշտադիտարկման է ենթարկում կորոնավիրուսով հիվանդացության դեպքերը: Եվ եթե մեծ աճ լինի, պարետատանը որոշումը վերանայելու առաջարկ կներկայացվի:

«Մեծ դերակատարություն կունենա նաև աշխատանքների կազմակերպումը: Սահմանափակելով շփումները, պահպանելով հիգիենիկ կանոնները կկարողանանք յուրաքանչյուրս մեր ներդրումն ունենալ այս վարակի կանխարգելման ուղղությամբ»,- նշեց փոխնախարարը: