«Հրաժարվում եմ հասկանալ». Նաիրի Բադալյան

Քաղաքագետ Նաիրի Բադալյանը ֆեյսբուքյան իր էջում գրել է. «Հրաժարվում եմ հասկանալ

Իմ կողմից շատ հարգելի Ժիրայր Սեֆիլյանը նախ իրավացիորեն հայտարարում է, թե Նիկոլ Փաշինյանը, հանուն իր անձնական իշխանությունն ստանալու, երկու տարի առաջ հրաժարվեց ծառայել ժողովրդին և ժողովրդի թիկունքում թաքուն պայմանավորվածություններ ձեռք բերեց և՛ նախկինների, և՛ Մոսկվայի հետ ու պահելով այդ պայմանավորվածությունները՝ մի կողմից պատասխանատվությունից ազատում է նախկիններին, մյուս կողմից էլ իր իշխանությունը պահելու համար այնպիսի ծառայություններ է անում Մոսկվային, որ անգամ սերժ սարգսյանը չէր անում և նշում է դրանցից Սիրիա զորախումբ ուղարկելը:

Այնուհետև Ժիրայր Սեֆիլյանը հայտարարում է, թե Լավրովի կոչով 5-րդ շարասյունը հարձակվել է Նիկոլ Փաշինյանի վրա և եթե նա չի ուզում, որ վանեցյաններն ու մինասյաններն իրեն իշխանությունից զրկեն, պետք է սկսի համագործակցել ազգային գործիչների ու անհատների հետ...

Մի անհամեստ հարց էլի՝ եթե Նիկոլ Փաշինյանը վաղը սկսի համագործակցել իմ կողմից շատ հարգելի Ժիրայր Սեֆիլյանի հետ, իսկ ցանկացած համագործակցության մեջ Նիկոլը՝ որպես վարչապետ, ինքն է որոշելու իր կառավարության կուրսն ու այն, քանի դեռ նա վարչապետ է, հաստատ չի փոխվելու, ժողովրդի թիկունքում ու երկրի շահերի հաշվին Մոսկվայի ու նախկինների հետ Նիկոլի անցած երկու տարիների համագործակցությունն ու այդ քաղաքականության հետագա շարունակումն օքեյ ենք համարելո՞ւ:

Դրա համար եմ ասում՝ միավորվել պետք է կոնկրետ գաղափարների (որոնց վերաբերյալ իմ պատկերացումները երկու օր առաջ արդեն շարադրել եմ), այլ ոչ թե անձանց շուրջ»: