Ուրբաթ, 29 մարտի, 2024 թ.
|
Ստեփանակերտում`   +16 °C

Վարարած Դեբեդը քշել-տարել է նորակառույց ճանապարհի մի հատված

Վարարած Դեբեդը քշել-տարել է նորակառույց ճանապարհի մի հատված
599
Հինգշաբթի, 07 մայիսի, 2020 թ., 18:50

Այսօր Դեբեդ գետի վարարման հետևանքով ջրի մակարդակը բարձրացել է՝ քշել տանելով Վանաձոր-Ալավերդի-Բագրատաշեն միջպետական նորակառույց ճանապարհի մի հատված:

ՀԺ-ի թղթակիցը տեղից հայտնում, որ ճանապարհի մյուս հատվածին ևս փլուզման վտանգ է սպառնում:

Այս պահին տեղում են փրկարարները, ՃՇՇ աշխատակիցները, մարզպետարանի ներկայացուցիչները ու ճանապարհային ոստիկանները:
Փրկարարները սահմանազատել են տարածքը:

Այս պահին մասնագետները քննարկում են խնդրի թեկուզ ժամանակավոր լուծման տարբերակները:

Կա մեծ վտանգ, որ գետի վարարաման հետևանքով վնաս կպատճառվի միջպետական ճանապարհին:

Հիշեցնենք, որ չդադարող հորդառատ անձրևները մարզի տարբեր հատվածներում դարձել են քարաթափումների, սողանքի ու փլուզումների պատճառ: