«Արտակարգ դրությունը չշարունակելու տարբերակ չունենք»․ վարչապետ

«Արտակարգ դրությունը չշարունակելու տարբերակ չունենք»,- քաղաքացիների հետ զրույցում ասաց վարչապետը՝ հավելելով, սակայն, որ սահմանափակումների ռեժիմն ավելի մեղմ կլինի։

Քաղաքացու հարցին՝ եթե աշխատատեղերը բացվել են, բայց տրանսպորտը չի աշխատում, ինչպե՞ս է կարգավորվելու այդ գործընթացը, Փաշինյանն ասաց. «Դե հիմա ուզում ենք բացել․․․»։

Վարչապետը կրկնեց, որ խնդիր ունենք համաճարակային կանոնները պահպանելու հետ։ «Առավոտվա իմ ասած տպավորությունները քիչ առաջ հաստատվեցին․ մարդկանց մեծ մասը չի պահում սոցիալական հեռավորությունը․․․ Պետք է խստացնենք միջոցները կորոնավիրուսի պայմաններում բնականոն կյանքով ապրելու։ Եթե պարզվի դիմակ կրելը փակ տարածքներում պետք է պարտադիր լինի, ուրեմն պետք է լինի»,- ասաց նա։