«Այս ամենը Հայկ Դեմոյանի կողմից բարձրացված արհեստական աղմուկի հետևանքն է». Հարություն Մարության

815

Չորեքշաբթի, 13 մայիսի, 2020 թ., 22:20

Վերջին օրերին Հայոց ցեղասպանության թանգարան-ինստիտուտի տնօրեն Հարություն Մարությանը և Խառատյանների ընտանիքը հայտնվել են հանրային քննարկումների տիրույթում:

«Առաջին լրատվական»-ի եթերում Հարություն Մարությանը թեմայի առնչությամբ ասել է. «Այս ամենը նաև թանգարանի նախկին տնօրենի՝ Հայկ Դեմոյանի կողմից բարձրացված արհեստական աղմուկի հետևանքն է, որ ստահոդ պնդումներով ստեղծում են այնպիսի տպավորություն, թե իբր մեզ մոտ ամեն ինչ վատ է և ամեն ինչ ձեռքից գնում է: Ես դա գնահատում եմ որպես մեր պետականության դեմ սկսված արշավ»,- ասել է Մարությանը:

Անդրադառնալով Հայկ Դեմոյանի այն հայտարարությանը, թե Հրանուշ և Արսեն Խառատյանները կոռուպցիոն գործարքներով Մարությանին թանգարանի տնօրենի պաշտոնին են նշանակել, թանգարանի տնօրեն Հարություն Մարությանն ասել է. «Նման պնդումը ծիծաղ է առաջացնում, բայց նաև՝ զայրույթ: Հոգաբարձուների խորհրդի անդամները 15 հոգի են՝ ակադեմիկոսներ, պրոֆեսորներ, քաղաքական և հասարակական գործիչներ: Հրանուշ Խառատյանն ընդամենը նրանցից մեկն է և որքան էլ որ ես սիրում ու հարգեմ տիկին Խառատյանին, նա ի վիճակի չէ մյուս անդամներին մանիպուլացնել և ուղղորդել, որ ընտրությունը կանգ առնի իմ անձի վրա»:

Մանրամասները՝ սկզբնաղբյուրում: