«Ինչո՞ւ է ամոթ հոգեբանին դիմելը». Աննա Հակոբյան

Վարչապետ Նիկոլ Փաշինյանի տիկին Աննա Հակոբյանն ուղիղ եթերով անդրադարձել է իր ձևակերպմամբ՝ հասարակության մեջ համար առաջին խնդրին՝ հոգեբանին չայցելելուն, ինչը համարվում է ամոթ: «Ես ուզում եմ այս հարցը քննարկելու ուղղություններ և տարբերակներ առաջարկել: Բնականաբար, շատ ողջունելի կլինի, որ խնդրի կամ թեմայի վերաբերյալ մասնագետները քննարկում ծավալեն՝ ինչո՞ւ է, օրինակ, ամոթ, որ հոգեբանին դիմելը մեր հասարակությունում համարվում է ամոթ»,- հարցադրում է արել Աննա Հակոբյանը:

Նա հիշել է վերջերս տեղի ունեցած՝ հոր և մանկահասակ երեխաների մահվան ողբերգական դեպքը. «Ի՞նչն է փոխվել խորհրդային հասարակությունից այն կողմ, մենք որպես հասարակություն ի՞նչն ենք բաց թողել, որ ունեցանք նման դեպք»,- ասել է Աննա Հակոբյանը:

Մանրամասները՝ տեսանյութում: