Թուրքիան 7 անգամ կրճատել է ռուսական գազի ներկրումը

1326

Չորեքշաբթի, 20 մայիսի, 2020 թ., 19:40

Մարտի վերջի տվյալներով՝ Թուրքիայում ռուսական գազի մատակարարումները նախորդ տարվա նույն ժամանակահատվածի համեմատությամբ ընկել են 7 անգամ՝ 1,418 միլիարդից հասնելով 210 միլիոն խորանարդ մետրի, գրում է Интерфакс գործակալությունը՝ վկայակոչելով Դաշնային մաքսային ծառայության (ФТС) տվյալները:

2018-ի համեմատ գազի մատակարարման ծավալը նվազել է 14 անգամ: Թուրքիան, որը նախկինում զբաղեցնում էր «Газпром» ընկերության խոշոր գնորդների 2-րդ տեղը, այժմ ավելի քիչ գազ է գնում, քան Լիտվան:
Թուրքիային հարկավոր չէր ռուսական գազը՝ հեղուկ բնական գազի մատակարարման կտրուկ աճի պատճառով: 2019 թ.-ի դեկտեմբերին Botas պետական գազային ընկերությունը մինչև մարտ ամիսը ձեռք էր բերել 30 խմբաքանակ, իսկ ավելի վաղ՝ 70 խմբաքանակ՝ 2020-2023 թվականների առաքումով:

Ընդհանուր առմամբ՝ թուրքական ընկերությունները 2019 թվականին ներմուծել են 9,1 միլիոն տոննա հեղուկ բնական գազ, հիմնականում առաքումներ են իրականացրել Ալժիրից, Քաթարից, Նիգերիայից և ԱՄՆ-ից: