Ուրբաթ, 22 սեպտեմբերի, 2023 թ.
|
Ստեփանակերտում`   +20 °C

«Ամեն ապատեղեկատվություն չէ, որ դիվիդենտ է ապահովում». Նարեկ Բաբայան

«Ամեն ապատեղեկատվություն չէ, որ դիվիդենտ է ապահովում». Նարեկ Բաբայան
315
Երեքշաբթի, 09 հունիսի, 2020 թ., 00:00

Պետական գույքի կառավարման կոմիտեի նախագահ Նարեկ Բաբայանը ֆեյսբուքյան իր էջում գրել է. «Անդրադառնալով ԲՀԿ պատգամավոր Արտյոմ Ծառուկյանի այսօրվա «հակակոռուպցիոն» պոռթկմանը, ուզում եմ արձանագրել, որ Երևանի Իսրայելյան 41 հասցեի գույքի օտարման մասին գրառումը գրեթե ամբողջությամբ չի համապատասխանում իրականությանը, մասնավորապես՝
1. Նշված գույքն օտարվել է ՀՀ կառավարության 15.03.2018 թվականի թիվ 276-Ն որոշման հիմքով։ Այսինքն որոշումն ընդունվել է մինչ հեղափոխությունը, մինչդեռ Ծառուկյանի գրառման մեջ նշվում է հեղափոխությունից հետո:
2. Ներկայումս գույքի օտարման գործընթացի վերաբերյալ հարուցված քրեական գործը քննվում է ՀՀ քննչական կոմիտեում։ Այսինքն կարճման մասին որևէ խոսք չկա։ Իսկ գնահատողի նկատմամբ ոչինչ չի հարուցվել և հաշվի առնելով անձի անմեղության կանխավարկածը, Պետական գույքի կառավարման կոմիտեն և «Գույքի գնահատման և աճուրդի կենտրոն» ՊՈԱԿ-ը չէին կարող կամայական գործողություն իրականացնել աշխատակցի նկատմամբ։
Հ.Գ. Ամեն ապատեղեկատվություն չէ, որ դիվիդենտ է ապահովում, այն էլ համավարակի դժվարին այս պահին։
Առողջ եղեք ու կրեք դիմակ, բայց բժշկական, ոչ թե փոխաբերական իմաստով»։