«Փաշինյանը կձերբակալի Արթուր Վանեցյանին, Գագիկ Ծառուկյանին, Սերժ Սարգսյանին»․ Հայկ Նահապետյան

Ռազմական փորձագետ Հայկ Նահապետյանն այսօրվա ասուլիսի ժամանակ անդրադառնալով ներքաղաքական զարգացումներին ասաց, որ «քաղաքական ուժերը, ճանապարհ անցած մարդիկ պետք է միավորվեն՝ կառավարման ոլորտում ձախողումներ թույլ տված իշխանության դեմ»։ «Ասեմ ավելին՝ եթե օր առաջ, ժամ առաջ այդ միավորումը չլինի, Փաշինյան Նիկոլը քայլերն արդեն հաշվարկել է․ նրան կառավարում են իր ներքին վախերը։ Նա սկսելու է առաջին՝ վարկաբեկել քաղաքական ռեսուրսներ ունեցող ուժերին, կամ նրանց, որոնք կոշտ կեցվածք ունեն իշխանության նկատմամբ։ Սկսելու է ձերբակալությունները, վարկաբեկումները։ Սկզբունքորեն չեմ բացառում, որ ապօրինությունների շղթան թևածի քաղաքական բոլոր ուժերի ղեկավարների վրայով՝ ներառյալ Գագիկ Ծառուկյան, Արթուր Վանեցյան, Սերժ Սարգսյան, ՀՅԴ ղեկավարներ․․․ Դրա նշանն է, որ ուժայիններին փոխեց»,- ասել է բանախոսը։