#Amazon-ն արգելում է ոստիկանությանը կիրառել իր ստեղծած դիմաճանաչողական տեխնոլոգիաները

Ամերիկյան Amazon առևտրային ինտերնետ-ընկերությունը մեկ տարով ոստիկանության կողմից իր ստեղծած Amazon Rekognition դիմաճանաչողական տեխնոլոգիաներն օգտագործելու մորատորիում է սահմանել: Այս մասին հայտնի է դարձել ընկերության բլոգում հայտնված հայտարարության միջոցով։ Կառավարությունը պետք է մշակի ավելի խիստ կանոններ՝ դիմաճանաչողական տեխնոլոգիաների օգտագործումը կարգավորելու համար, նշում է Amazon-ը: «Հուսով ենք, որ այս մեկ տարվա մորատորիումը Կոնգրեսին բավական ժամանակ կտա համապատասխան կանոններ մշակելու համար, և մենք պատրաստ ենք օգնել, եթե անհրաժեշտություն առաջանա»,-նշվում է ընկերության կողմից տարածված հայտարարության մեջ: