Կառավարությունը քննարկում է արտակարգ դրությունը ևս 1 ամսով երկարաձգելու հարցը

351

Ուրբաթ, 12 հունիսի, 2020 թ., 11:05

Կառավարության արտահերթ նիստում քննարկվում է արտակարգ դրության ռեժիմը ևս մեկ ամսով երկարացնելու հարցը, քանի որ այն պատճառները, որոնց բերումով արտակարգ դրություն էր հաստատվել, վերացված չեն: Կառավարության նիստից հետո կհրավիրվի Ազգային ժողովի նիստ, հարցը կքննարկի օրենսդիր մարմինը:

«Երկարաձգել Հայաստանի Հանրապետությունում 2020 թվականի մարտի 16-ին հայտարարված և մինչև հունիսի 13-ը երկարաձգված արտակարգ դրության ժամկետը 2020 թվականի հունիսի 13-ից ժամը 17:00-ից՝ 30 օրով՝ մինչև 2020 թվականի հուլիսի 13-ը ժամը 17:00-ն ներառյալ ժամկետով»,- նշված է նախագծում։