«Իհարկե պետք է ուժ կիրառվի»․ վարչապետ

«Ոստիկանությունն ուժային կառույց է և օրենքով սահմանված դեպքերում ու կարգով, իրավունք ունի ուժ կիրառելու։ Ուղղակի դիմակ չկրելու համար չի կարելի ուժ կիրառել, բայց եթե դիմակ չկրելու համար, քաղաքացու հետ հաղորդակցության ընթացքում, տեղի են ունենում այլ զարգացումներ, իհարկե պետք է ուժ կիրառվի»,- ԱԺ-ում ասաց վարչապետ Նիկոլ Փաշինյանը՝ արձագանքելով ԼՀԿ խմբակցության ղեկավար Էդմոն Մարուքյանի դիտարկմանը՝ «դիմակ չկրելու համար թող տուգանեն, ոչ թե թևը ոլորեն, գետնին գցեն, քարշ տան»։

Տեղեկացնենք, որ համացանցում այսօր ևս մեկ տեսանյութ էր տարածվել, թե ինչպես են Սպիտակում ոստիկանն ու քաղաքացիական հագուստով անձը ձեռքերը ոլորելով մեքենան նստեցնում կնոջը՝ դիմակը պատշաճ չկրելու համար։

Սպիտակի միջադեպին ԱԺ-ում անդրադարձավ նաև պատգամավոր Աննա Կոստանյանը։