«Եթե ես ներգրավվեմ կոռուպցիայի մեջ, ինձ հրապարակում կախաղան կհանեք»․ Նիկոլ Փաշինյան

«Բոլոր այն տեղեկատվությունները, որոնք իրենց բովանդակությամբ կհակասեն ոչ բռնի, թավշյա, ժողովրդական հեղափոխության արժեքներին, իմացեք՝ սուտ են։ Օրինակ, եթե որևէ մեկը մատն էլ կտրի՝ ասի, որ ես վարչապետի պաշտոնում փող եմ աշխատում՝ բացի իմ աշխատավարձը, իմացեք՝ սուտ է։ Դեռ վարչապետի պաշտոնը ստանձնելուց ասել եմ՝ եթե կոռուպցիայի մեջ ներգրավվեմ, ՀՀ քաղաքացիներին կոչ եմ անում ինձ կախաղան հանել Հանրապետության հրապարակում»,- ԱԺ հատուկ նիստի ժամանակ ասաց վարչապետ Նիկոլ Փաշինյանը՝ անդրադառնալով շրջանառվող լուրերին ու հրապարակումներին։

Հիշեցնենք՝ քննարկվում է արտակարգ դրությունը երկարաձգելու մասին հարցը, որը հաստատվել էր Կառավարության նիստում։