«Ծանոթիս ծանոթը էսինչի ծանոթն է ու ճշմարտությունը գիտի»․ Փաշինյանը՝ հոգեբանական դիմադրության մասին

«Մեր պատմության մեջ պաշտոնական մակարդակից երբեք ճշմարտություն չի հնչել, այսինքն՝ պաշտոնական մակարդակից հնչած տեղեկատվությունը, սկսած սովետական ժամանակներից, ասոցացվել է խաբեության, ստի հետ, հետևաբար ինֆորմացիայի ճիշտ աղբյուր է համարվել այն, ինչը չի տեղավորվում պաշտոնական հաղորդագրության տրամաբանության մեջ։ Ամենատարբեր խոսակցությունները՝ ծանոթիս ծանոթը հարյուր տոկոսով գիտի, ծանոթիս ծանոթը էսինչի ծանոթն ա, ու ինքը ասել ա, որ ճշմարտությունը էս ա»,- «Մեր հանրային վարքագծի հոգեբանական շերտերը» վերնագրով ֆեյսբուքյան եթերում հայտարարեց վարչապետ Նիկոլ Փաշինյանը։ «Եվ հիմա, չնայած ակնհայտ է, որ պաշտոնական աղբյուրների ինֆորմացիան ճիշտ է, բայց այս հոգեբանական դիմադրությունը շարունակում է գոյություն ունենալ»,- ասաց նա։