«Սոցցանցերում կսկսե՜ն՝ ստացած 32 հազարից 45 հազարը վարչապետի հորոխպոր տղեքն են, մնացած 85 հազարը՝ փոխվարչապետերի»․ Ն․ Փաշինյան

Կառավրությունը քննարկում է կորոնավիրուսի տնտեսական հետևանքների չեզոքացման 20-րդ միջոցառումը։ Աշխատանքի և սոցիալական հարցերի նախարար Զարուհի Բաթոյանը տեղեկացրեց, որ միջոցառման նպատակն է աջակցել մասնավոր հատվածի առավել տուժած ոլորտների վարձու աշխատողներին, քաղաքացիաիրավական պայմանագրով աշխատողներին, անհատ ձեռնարկատերերին։

Արդարադատության փոխնախարար Վահե Դանիելյանը նշեց, որ նախագծի իններորդ կետում սահմանվում է, որ անուն-ազգանունը հրապարակվում է ծառայության կայք-էջում, ինչը անձնական տվյալների պաշտպանության հետ կապված խնդիր կարող է առաջացնել։

«Մարդը չի ուզում անձնական տվյալը հրապարակվի՝ թող չդիմի․ սա էն դեպքերի համար է, որ չարաշահումներ թույլ չտանք։ Եթե մարդը համաձայն չի, որ անձնական տվյալը հրապարակենք, ուրեմն թափանցիկության խնդիր ունի։ Եթե չհրապարակվի՝ սոցցանցերում կսկսեն գրել, ասենք, ստացած 32 հազարից 45 հազարը վարչապետի հորեղբոր տղաներն են, մնացած 85 հազարը՝ փոխվարչապետերի ու տենց։ Սովոր են եղել նախկինում Բրաբուսների շարասյունով գնան նպաստ ստանալու։ Պայմանը հետևյալն է՝ կա՛մ հրապարակվում է, կա՛մ չի արվում էս միջոցառումը, վե՛րջ»,- արձագանքեց վարչապետը։

Մանրամասները՝ տեսանյութում։