Դատարանը հեռացել է խորհրդակցական սենյակ՝ ինքնաբացարկի միջնորդությունը քննարկելու

ԱԱԾ միջնորդության քննությունը դեռևս չի ավարտվել, լրագրողների հետ զրույցում տեղեկացրեց Գ․ Ծառուկյանը՝ դուրս գալով դատարանի շենքից։ Նա մեկ անգամ ևս կրկնեց, որ գործը շինծու է։

Լրագրողների հարցերին պատասխանեց նաև փաստաբան Երեմ Սարգսյանը։ Նա տեղեկացրեց, որ դատարանին ինքնաբացարկի միջնորդություն են ներկայացրել․ դատարանը հեռացել է խորհրդակցական սենյակ՝ այն քննարկելու, որը հավանաբար կտևի 2-3 ժամ։ Փաստաբանի խոսքով՝ բուն կալանքի քննությունը դեռևս չի սկսվել։ «Գտնում ենք, որ մակագրությունների կարգը՝ միջդատական վարույթների հետ կապված, այսինքն դատարանի նախագահն իր ցանկությամբ ընտրում է որևէ դատավորի ու մակագրություն է իրականացնում։ Գտնում ենք, որ էս կարգն ի սկզբանե խախտում է արդար դատաքննության իրավունքը, մինչդեռ պատահականության սկզբունքով դա պետք է լինի»,- ասաց փաստաբանը։