«Ուղղակի թող կողմնորոշվեն և բնակչությանը ճիշտ հայտնեն՝ հիմա դնեն, չդնեն կտորից դիմակ». Նորա Առուստամյան

Ինչպես արդեն հայտնել ենք, Երևանի ընդհանուր իրավասության դատարանի՝ Շենգավիթի նստավայրի դիմաց ոստիկաններն այսօր տուգանեցին Ծառուկյանի փեսային՝ Դավիթ Մանուկյանին ու ԲՀԿ-ական պատգամավոր Նորա առուստամյանին։ Պատճառն այն էր, որ վերջինը դիմակ չէր կրել:

Նորա Առուստամյանը լրագրողների հետ զրույցում պարզաբանեց՝ ինչու դիմակ չէր կրում. «Դիմակ չկրելու խնդիր չկար, ուղղակի ականջիս վրա էր. հենց այդ պահին տեղեկացա, որ առողջապահության նախարարն ասել է, որ կտորից դիմակները ևս վնաս են, փորձեցի ճշտել, թե ում մոտ կա բժշկական դիմակ: Ուղղակի թող կողմնորոշվեն եւ բնակչությանը ճիշտ հայտնեն՝ հիմա դնեն, չդնեն, կրեն, չկրեն, վնաս է, վնաս չի»:

Երեկ տեղեկացրել էինք, որ միևնույն պատճառով տուգանվել էր ԲՀԿ-ական պատգամավոր Գևորգ Պետրոսյանը: