Մխիթար Հայրապետյանը չի դառնա նախարար․ «Հրապարակ»

«Հրապարակ»-ը գրում է․ «Մամուլը գրում է, որ ձեր հանձնաժողովի նախագահ Մխիթար Հայրապետյանին շուտով կտեղափոխեն գործադիր, տեղեկատվություն կա, որ ԿԳՄՍ նախարարի ու Մխիթար Հայրապետյանի հարաբերություններն ահավոր վատ են, խոսվում է վերջինին նախարար դառնալու հեռանկարի մասին, հնարավո՞ր է Դուք էլ դառնաք հանձնաժողովի նախագահ՝ հարցրինք ԱԺ գիտության, կրթության և այլ հարցերի հանձնաժողովի անդամ Վահագն Թևոսյանին։ «Նախ, առաջին անգամ Ձեզնից եմ լսում, որ պետք է Մխիթար Հայրապետյանին գործադիր տանեն, ինչ վերաբերում է ԿԳՄՍ նախարար-Հայրապետյան տարաձայնություններին, կարող եմ ասել, որ դրանք առկա և հրապարակային են՝ այո, սակայն դա չի ենթադրում, որ պետք է Հայրապետյանը գնա հանձնաժողովից»: Իր և վարչապետի միջև նման խոսակցություն-պայմանավորվածություն կա: «Եթե Դուք ներկա եք եղել այդ զրույցին, այլ հարց է, ես՝ օրինակ, ներկա չեմ եղել, ինչ վերաբերում է իմ՝ հանձնաժողովի նախագահ դառնալու Ձեր «տեսլականին», ապա դա բացառում եմ. սիրում եմ այն ոլորտը, որով այսօր զբաղվում եմ»: Դե, «ավելի լավ» կզբաղվեք. կմերժե՞ք, եթե նման առաջարկ լինի։ «Ա) չեմ կարծում, թե նման առաջարկ կլինի, բ) այո»»։

Մանրամասները՝ թերթի համարում։