«Ինչո՞ւ եք 6-րդ վարչության խոսնակի դերակատարումը ստանձնել»․ Խաժակյանը՝ Մարությանին

197

Չորեքշաբթի, 24 հունիսի, 2020 թ., 12:20

«Ոչ մեկը ոչ մեկի չի ուզում լռեցնել, հավատացնում եմ Ձեզ․․․ Օրը քանի՞ հոգի է կանչվում հարցաքննության՝ պետական, համայնքային աշխատողներ, ամսվա մեջ հարյուրավոր մարդիկ, բայց ոչ մեկը ելույթներ չի ունենում, որովհետև բոլորը գիտակցում են՝ բոլորն օրենքի առաջ հավասար են»,- արձագանքելով Երևանի ավագանու «Լույս» խմբակցության ղեկավար Դավիթ Խաժակյանի հայտարարությանը՝ ասաց Երևանի քաղաքապետ Հայկ Մարությանը։

Դավիթ Խաժակյանն արձագանքեց․ «Լավ չեմ հասկանում՝ ինչո՞ւ եք 6-րդ վարչության խոսնակի կամ պաշտպանի դերակատարումը ստանձնել․․․»։

Հիշեցնենք՝ ավելի վաղ Խաժակյանը տեղեկացրել էր, որ 6-րդ վարչության աշխատակիցները բաժին են տարել «Լույս» խմբակցության վարորդին։