«Տեղեկացրին, որ քաղաքական բնորոշմամբ անդեմ մեկը պատասխանել է ինձ»․ Դավիթ Խաժակյան

«Մի պահ դուրս էի եկել նիստերի դահլիճից ու ինձ տեղեկացրին, որ ավագանու անդամներից մեկը, ասացին՝ չգիտենք ով է, քաղաքական բնորոշմամբ անդեմ մարդ, ելույթ է ունեցել, քեզ է պատասխանել։ Ուզում եմ ասել՝ հարգելի իմքայլականնե՛ր, ես ձեզ հետ որևէ վեճ չունեմ․․․ Մարդիկ, ովքեր ինչ-որ տեղ, ինչ-որ գործունեություններ են ծավալել, քաղաքական կենսագրություն չունեն, եկել են՝ քաղաքական ելույթներ են ունենում․․․»,- հայտարարեց ավագանու «Լույս» խմբակցության ղեկավար Դավիթ Խաժակյանը։

Հիշեցնենք՝ ավելի վաղ «Իմ քայլը» խմբակցության անդամ Գրիգոր Երիցյանը դիտարկումներ էր ներկայացրել Դավիթ Խաժակյանի ելույթի հետ կապված՝ մասնավորապես ասելով․ «Ցավում եմ, որ մեր ավագանու կազմում կան գործընկերներ, ովքեր հանրային պաշտոնը դիտարկում են որպես արտոնություն։ Ո՞նց կլինի՝ իրավապահները համարձակվել են հարցաքննության կանչել մեր ընդդիմադիր գործընկերոջը, իսկ ո՞վ ասաց, որ մենք օրենքից վեր ենք․․․ Տեսեք էդ գործչի վերաբերմունքն ավագանու նկատմամբ՝ եկավ, իրա գովազդն արեց, թողեց՝ գնաց»։