«Մեզանից յուրաքանչյուրն անարգեց, անպատվեց, արհամարհեց ու արժեզրկեց մեր երկրի մայր օրենքը». Նորայր Նորիկյան
329 Կիրակի, 05 հուլիսի, 2020 թ., 15:05 Փաստաբան Նորայր Նորիկյանը ֆեյսբուքյան իր էջում գրել է. «Այսօր սահմանադրության օրն է, պետական տոն, որ նշվում է 1995-ից: Այս տարիների ընթացքում մեր երկրի սահմանադրությունը երկու անգամ ենթարկվել է փոփոխությունների՝ 2005 և 2015 թվականներին: Այս տարիների ընթացքում մեզ այդպես էլ չհաջողվեց մեր երկիրը դարձնել սահմանադրական, և մեր երկրում հաստատել սահմանադրական գերակայություն: Հակառակը՝ հնարավորի սահմաններում մեզանից յուրաքանչյուրն անարգեց, անպատվեց, արհամարհեց, անտեսեց ու արժեզրկեց մեր երկրի մայր օրենքը... Մենք այդպես էլ հուլիսի 5-ը չընդունեցինք ու չընկալեցինք որպես տոն ու երբեք այն չդարձրեցինք համաժողովրդական, անլուրջ մոտեցում ցուցաբերեցինք սահմանադրության հանդեպ և չգործադրեցինք անհրաժեշտ բոլոր ջանքերը՝ սահմանադրության նորմերն անմիջականորեն գործելը կյանքի նորմ դարձնելու համար: Անցած տարիների ընթացքում սահմանադրության բազմաթիվ նորմեր այդպես էլ չկիրառվեցին, կամ կիրառվեցին կամայականորեն, մեկնաբանվեցին՝ ըստ հայեցողության ու քաղաքական իրադրության, հատվածական շահերի տեսանկյունից: Մենք ապացուցեինք, որ անլուրջ մոտեցում ունենք սահմանադրության՝ որպես մեր հասարակական հարաբերությունները կարգավորող ամենակարևորագույն գործիքի հանդեպ և հեռու ենք սահմանադրական հասարակություն դառնալու ճանապարհից... Կյանքն ապացուցեց, որ գործող սահմանադրությունն էլ չդիմացավ փորձությանը և ապացուցեց իր անկենսունակությունը: Ես խորապես համոզված եմ՝ քանի դեռ հասարակությունը չի հարգել իր օրենքը, իր երկրի օրենքը, ինքը չի դարձել սահմանադրական և իր ցուցաբերած կամքով երկրում չի հաստատել սահմանադրականություն, սահմանադրությունը մնալու է որպես թղթի վրա գրված սիրուն փաստաթուղթ, ընդամենը... Բայց դրա համար ամենից առաջ անհրաժեշտ է որակապես նոր սահմանադրություն, որը կլինի իսկապես լեգետիմ մայր օրենք: Շնորհավո՛ր սահմանադրության օրը»: |
Առավոտը՝ Կիրանցում (լուսանկար)
1211:18Հ1-ի «Լուրեր»-ում Տավուշի բնակիչները բացակա են
3711:00Երևանում մեքենաները մնացել են ջրի տակ (տեսանյութ)
8810:00Տավուշում իմ սարքած դիրքերն են քանդում, շատ մեծ ցավ եմ ապրում. «Հրապարակ»
8209:36«Մի բարձի աշխատեք» պետական համակարգում․ «Ժողովուրդ»
7909:30Գեղարքունիքի մարզպետ, թե՞ Մոսկվայի ուսանող․ «Ժողովուրդ» (լուսանկար)
8409:24Սպասվող եղանակի մասին (լուսանկար)
9508:30«Ոստիկանների ապօրինի կեցվածքը մտահոգիչ է»․ Տիգրան Աբրահամյան
10103:48