«Դա արժանապատիվ մարդու պահվածք չէ. Քոչարյանը լողավազանում երկար չի մնալու». Արամ Սարգսյան

«Ռոբերտ Քոչարյանն իր սպորտային տեսակով շատ համառ տեսակ է, ինքը կարող էր շատ լավ սպորտսմեն լինել, բայց քաղաքական գործիչ՝ ոչ»,- «Առաջին լրատվական»-ի եթերում ասել է «Հանրապետություն» կուսակցության քաղխորհրդի նախագահ Արամ Սարգսյանը:

Քաղաքական գործիչը կասկածի տակ է դնում այն հանգամանքը, որ գրավի դիմաց կալանքից ազատվելու համար Ռ. Քոչարյանը չուներ բավարար գումար. «Այս իրավիճակում ձևացնել, թե գումար ես հավաքում, նույնիսկ երեխաներդ իրենց տունը գրավ են դնում, դրսից մարդիկ փող են տալիս, որ դու մի երկու շաբաթ լողավազանում լողանաս, կներեք, բայց լուրջ ինքնասիրություն ունեցող, պատիվ-հարգանք, արժանապատվություն ունեցող մարդու պահվածք չէ դա, առավել ևս՝ քաղաքական գործչի»,- ասել է Սարգսյանը:

Հարցին, թե արդյոք ինքն այն կարծիքին է, որ Քոչարյանը լողավազանում երկար չի մնա, Արամ Սարգսյանն ասել է. «Ռ. Քոչարյանի՝ այդ տարիներին ծավալած գործունեությունը միանշանակ տանելու է նրան, որ ինքը դատվելու է: Ես համոզված եմ դրանում»:

Մանրամասները՝ սկզբնաղբյուրում: