Մյունխենում հայերը բողոքի ակցիա են իրականացնում ադրբեջանական ագրեսիայի դեմ. ՈՒՂԻՂ ՄԻԱՑՈՒՄ

Մյունխենում հայերը բողոքի ակցիա են իրականացնում ադրբեջանական ագրեսիայի դեմ: «Ադրբեջանը անօրեն երկիր է և բռնարար. կոչ ենք անում դադարեցնել հրետակոծությունը: Ադրբեջանը նպատակաուղղված գնդակոծում է խաղաղ բնակչությանը, դպրոցներն ու մանկապարտեզները»,- իրենց ելույթներում նշում էին մասնակիցները:

Հայ դատի հանձնախմբի Գերմանիայի ներկայացուցիչ Սերժ Տեր-Հակոբյանի խոսքով՝ ագրեսիվ գործողությունները Ադրբեջանի կողմից պետք է անմիջապես դադարեցվեն։ «Սպասում ենք Գերմանիայի արտգործնախարարության արձագանքին, քանի որ Թուրքիան ՆԱՏՕ-ի անդամ է, և այդ երկիրը կրակի վրա միայն յուղ է լցնում»,- ասաց նա։

Հրապարակում հավաքված ակցիայի մասնակիցները երգում էին հայրենասիրական և ազգագրական երգեր, իսկ հրապարակում ներկա գտնվող փոքրաթիվ ադրբեջանցիներն իրենց բղավոցներով փորձում էին սադրել, «Մենք խաղաղություն ենք ուզում առանց զենքերի» վանկարկում էին բողոքի ակցիայի հայ մասնակիցները։

Մանրամասները՝ տեսանյութում: